Sot rreth orës 19:45 në rrugën rajonale Shtip-Veles tek vendi i quajtur “Pika e zezë”, ka ndodhur një aksident, përcjell Telegrafi Maqedoni.
Në aksident janë përfshirë makina të tipit “Golf 4” dhe “Golf”.
Në makinën “Golf” me targa të Kumanovës ka pasur katër persona, një burrë, dy gra dhe një fëmijë. Në vendin e ngjarjes ka ndërruar jetë burri dhe njëra grua, ndërsa bashkëudhëtarja tjetër është dërguar në spitalin e Velesit ku ka ndërruar jetë, ndërkaq fëmijë është vendosur në Qendrën për urgjencë në Shkup.
Pritet të vërtetohet identiteti i të vdekurve, ndërsa komunikacioni prej orës 20:15 është në ndërprerje në dy drejtimet./Telegrafi/