Fëmijë i vogël dhe prindërit e tij kanë humbur jetën sot pasdite në aksident të rëndë komunikacioni rreth dhjetë kilometra nga Dellçeva.
Në këtë aksident, në vendin e ngjarjes kanë ndërruar jetë 32 vjeçari D.D. i cili ka vozitur, bashkëshortja e tij 27 vjeçare dhe biri i tyre 2 vjeçar.
Fatkeqësia ka ndodhur me përplasje të drejtpërdrejtë të veturës ‘Fiat Punto’ me targa të Dellçevës me kamion të ngarkuar me drunj me targa të Shtipit, e drejtuar nga 56 vjeçari P.G. nga Shtipi.
Aksidenti është denoncuar në ora 15:40, ndërsa ka ndodhur në rrugën magjistrale Koçan-Dellçevë te vendi Leshtaro.
Ekipe të policisë janë duke bërë ekspertizë në vendin e ngjarjes, ndërsa komunikacioni është ndërprerë në të dy drejtimet./Telegrafi/