Policia e Kosovës ka bërë të ditur se dje rreth orës 12:55, në fshatin Gërlicë të Ferizajt ka ndodhur një aksident trafiku mes dy automjeteve civile me pasojë vdekjen e një personi.
“Raportohet për një aksident trafiku në mes të dy automjeteve civile. Përveç dëmeve materiale lëndime kanë pësuar dy meshkuj, ku njëri prej tyre si pasojë e lëndimeve të marra ka nderuar jetë. Vdekjen e viktimës e ka konstatuar ekipi mjekësor, ndërsa i lënduari tjetër është dërguar në QKUK për trajtim të nevojshëm mjekësor. Me vendim të prokurorit trupi i pajetë u është liruar familjarëve për ceremoni mortore”, thuhet në njoftimin e policisë.