Në fshatin Dëbërcë të Tetovës ka ndodhur një aksident komunikacioni, në të cilin ka humbur jetën një person, përcjell Telegrafi Maqedoni.
Nga SPB Tetovë informojnë se automjeti “Citroen C3” me targa të Tetovës, për shkaqe deri më tani të panjohura ka dalë nga rruga dhe është përmbysur. Rreth 30 metra larg automjetit të përmbysur policia ka gjetur trupin e një personi të pajetë, për të cilin supozohet se ka qenë bashkëudhëtar i në veturë, kurse zjarrfikësit e Tetovës nga automjeti kanë nxjerrë një person tjetër i cili ka marrë lëndime të rënda dhe është dërguar në Spitalin Klinik të Tetovës dhe ndodhet në gjendje serioze për jetën./Telegrafi/
