Një aksident i rëndë komunikacioni ka ndodhur në Vushtrri, ku janë përfshirë një veturë civile dhe një automjet i zjarrëfiksëve.
Në fotot e bëra nga një lexues i portalit Veriu.info, shihet se aksidenti ka ndodhur në magjistralen Prishtinë-Mitrovicë, përkatësisht tek semaforët në Vushtrri afër ‘Hotel Kalaja’.
Dëshmitarët nga vendi i ngjarjes bëjnë të ditur se nga ky aksident i rëndë, fatmirësisht nuk ka viktima e as të lënduar rëndë, raporton Veriu.info.
Si pasojë e aksidentit është rrëzuar edhe një shtyllë elektrike, derisa në vend të ngjarjes menjëherë ka dalë policia.
