Një aksident i rëndë ndodhi të shtunën në mesditë në aksin rrugor Lezhë – Milot, ku një makinë u përplas më një kamion, të ngarkuar me zhavorr.
Nga përplasja, të dy automjetet përfunduan jashtë rrugës dhe mjeti tip “Pasat” u zu poshtë nga kamioni.
U desh ndërhyrja e forcave zjarrfikëse, të cilët prenë makinën dhe nxorën jashtë shoferin e automjetit, i cili mori lëndime të rënda trupore.
Ai u dërgua me urgjencë drejt Spitalit të Traumës në kryeqytet, ndërsa pritet hetim për zbardhjen e shkaqeve të aksidentit. /Tch/Telegrafi/