(E plotësuar) Një aksident i rëndë ka ndodhur sot në Fushë Kosovë. Aksidentin e ka konfirmuar edhe Policia e Kosovës duke dhënë edhe detajet.
“Aksidenti ka ndodhur rreth orës 9:00. Njëra prej veturave është me targa të huaja, tjetra me tabela vendore. Janë të lënduar tre persona dhe janë dërguar për trajtim mjekësor. Aktualisht policia është në vendin e ngjarjes për ekzaminimin e rastit”, ka thënë për Telegrafin, Flora Ahmeti, zëdhënësja e Policisë për rajonin e Prishtinës.
E zyrtarja për informim nga Qendra Klinike Universitare e Kosovës (QKUK), Mirlinda Qyqalla tregon se personat e lënduar në aksidentin e ndodhur rreth orës 9:00 në Fushë Kosovë, janë me lëndime të lehta.
“Personat e lënduar kanë lëndime të lehta. Nuk mund të them saktë se çfarë lëndimesh, mirëpo mjekët janë duke i kryer analizat laboratorike”, tha Qyqalla për Telegrafin.
Aksident i rëndë në Fushë Kosovë (Foto/Video,+18)
Një aksident i rëndë ka ndodhur sot në Fushë Kosovë.
Siç edhe mund të shihet në pamjet e siguruara nga Telegrafi, bëhet fjalë për një aksident të rëndë, ku si pasojë edhe dy vetura kanë pësuar dëmtime të mëdha.
“Ky me Golf 2 të kuq është në gjendje të rëndë shëndetësore, e vetura me të zezë është nga New Yorku. Ky me të zezë është futur në semafor në të kuqen”, ka shkruar lexuesi që ka dërguar videon. /Telegrafi/
