Babai dhe djali i tij tetëvjeçar u shkelën dje nga një makinë në rrugën “Pero Nakov” në Shkup.
Sipas informatave të Ministrisë së Brendshme dje, në orën 19:00, një automjet me targa të regjistrimit të Shkupit “Alfa Romeo”, e drejtuar nga E.R. (29) nga Shkupi, ka goditur këmbësorët B.D. (41) dhe një fëmijë tetëvjeçar nga Shkupi. B.D. me automjetin e emergjencës, u transferua në Qendrën e Urgjencës, ku i është dhënë ndihma mjekësore dhe se i janë konstatuar disa lëndime trupore dhe i njëjti është mbajtur për kujdes të mëtejshëm.
Ndërsa fëmija me një automjet tjetër është transferuar në Spitalin e Përgjithshëm të Qytetit ‘Shën Naumi i Ohrit’, ku i është dhënë ndihmë mjekësore dhe i janë konstatuar lëndime të rënda trupore dhe është mbajtur për trajtim të mëtejshëm./Telegrafi/