Dy vetura janë përplasur dje në rrugën Manastir-Prilep, në afërsi të fshatit Loznani të Manastirit, ku kanë mbetur të lënduar katër persona, njëri prej të cilëve në gjendje të rëndë.
Në aksident është përfshirë një veturë e drejtuar nga A.M (50) nga Manastiri, ndërsa automjeti tjetër është drejtuar nga I.S.
Sipas informacioneve nga policia, në aksident ka pësuar lëndime të rënda shoferi I.S., të konstatuara në spitalin e Manastirit.
Në aksident lëndime të lehta kanë marrë edhe dy pasagjerët e tij, mes tyre edhe një fëmijë./Telegrafi/