Një person ka humbur jetën, ndërsa dy kanë marrë lëndime të rënda trupore nga aksidenti në komunikacion që ndodhi sot pasdite rreth orës 15:00 në magjistralen A2, Kumanovë-Kriva Pallankë-vendkalimi kufitar Deve Bair, njofton AIM.
Sipas informacioneve të marra nga zëdhënësi SPB Kumanovë, Zhivkica Çadareviq, aksidenti ka ndodhur në mes një veture dhe një automjeti transportues.
“Aksidenti ka ndodhur në vendin e quajtur Pashina, në pjesën e rrugës magjistrale nga Kriva Pallanka për Deve Bair. Në aksident kanë marrë pjesë një mjet transportues i markës “mercedes” dhe një veture e markës “opel korsa” në të cilën ka humbur jetën një person, ndërsa dy kanë marrë lëndime të rënda”, tha Çadareviq./Telegrafi/