Në rrugën magjistrale Prishtinë-Shkup sonte ka ndodhur një aksident komunikacioni, kur një kamion ka përfunduar jashtë rrugës, duke rënë në greminën jo shumë të thellë.
Aksidenti ka ndodhur në segmentin rrugor në mes Kaçanikut dhe Hanit të Elezit.
Sipas burimeve të Telegrafit nga vendi i ngjarjes, kamioni me targa të Shkupit pasi është aksidentuar me një veturë ka humbur drejtimin dhe ka përfunduar në greminën jo shumë të thellë jashtë rrugës, me ç’rast shoferi ka pësuar lëndime të lehta trupore.
Në vendin e ngjarjes ka dalë policia për të hetuar shkaqet e aksidentit. /Telegrafi/
