Një person ka mbetur i lënduar si pasojë e një aksidenti që ka ndodhur në rrugën Fushë-Kosovë – Prishtinë.
Lajmin e ka konfirmuar Flora Ahmeti, zëdhënëse e Policisë për rajonin e Prishtinës.
“Rreth orës 15:00 kemi pranuar informatën se në rrugën Fushë Kosovë – Prishtinë, ka ndodhur një aksident trafiku me lëndime. Në këtë aksident kanë qenë të përfshirë, një trotinet dhe një veturë në lëvizje. Si pasojë e aksidentit lëndime trupore kanë pësuar një person (ngasësi i trotinetit). Personi i lënduar është dërguar për trajtim mjekësor”, konfirmoi Ahmeti.
Zëdhënësja shtoi se me rast po merret Njësiti i Trafikut. /Telegrafi/