Një aksident rrugor ka ndodhur mbrëmë (e diel) në lagjen Dragodan të Prishtinës, derisa siç u raportua kanë qenë të përfshira tri vetura.
Njëra nga veturat e dëmtuara duket të ketë qenë e kreatores së njohur shqiptare, Lia Stublla.
Lajmi u bë i ditur nga vet ajo në një postim të shpërndarë me fansat në InstaStory.
Ajo madje ka dhënë edhe disa detaje duke treguar se si ka ndodhur incidenti.
“Faleminderit për interesim ne jemi mirë. Gjatë natës së mbrëmshme një vajzë e pirë me veturë Range Rover i ka dëmtuar veturat në parking. E rëndësishme që nuk ka të lënduar”, ka shkruar ajo.
Në bazë të pamjeve, vetura e dizajneres duket e dëmtuar tërësisht në pjesën e përparme. /Telegrafi/
