Sot rreth orës 14:00, në rrugën “Shpëtim Robaj”, në Prishtinë, ka ndodhur një aksident trafiku, me ç’ rast ngasësi i një automjeti (Golf 4), për arsye që tani për tani janë duke u hetuar nga policia, ka humbur kontrollin dhe i njëjti ka goditur fillimisht një veturë, pastaj në trotuar ka goditur një këmbësore, më pas ka goditur një veturë tjetër të parkuar dhe është ndaluar.
Si pasojë e këtij aksidenti lëndime trupore ka pësuar këmbësorja: Z. S, femër, 52 vjeç, e cila është dërguar për tretman mjekësor në QKUK.
Në vendin e ngjarjes kanë dalë të gjitha njësitë e nevojshme policore të cilat po punojnë me qëllim të hetimit dhe ndriçimit të të gjitha rrethanave që kanë të bëjnë me këtë aksident trafiku.
Automjeti Golf 4, është konfiskuar për ekzaminim nga ana e policisë, ndërkohë që personat që kanë qenë në automjet, përfshirë edhe ngasësin janë larguar nga vendi i ngjarjes.