Një aksident ka ndodhur mbrëmjen e sotme në Malësi të Madhe, ku një 68-vjeçar ka humbur jetën.
Policia bën me dije se ngjarja ka ndodhur në aksin rrugor “Shkodër-Hani i Hotit”, në vendin e quajtur “Aliaj”, automjeti me drejtues shtetasin K. S., 20 vjeç, ka përplasur shtetasin Ll. P., 68 vjeç (këmbësor).
Nga përplasja, 68-vjeçari ka humbur jetën. Ndërkaq, Policia ka shoqëruar në Komisariat, shtetasin K. S., për kryerjen e veprimeve të mëtejshme procedurale.
Grupi hetimor vijon hetimet për përcaktimin e shkakut të këtij aksidenti. /Telegrafi/