Ngjarja ndodhi rreth orës 07:40 minuta, në vendin e quajtur Centrali elektrik i Cernaleves, në Komunën Zapod, ku automjeti tip benz furgon pasagjerësh, me drejtues mjeti Adem Vllaçaj ka dalë nga rruga.
Si pasojë e këtij aksidenti, mbetën të plagosur drejtuesi i automjetit Adem Vllaçaj dhe Fetah Vllaçaj. Sipas policisë së qarkut Kukës, drejtimi i lëvizjes së furgonit ishte Zapod-Kukës. Mësohet se të dëmtuarit janë dërguar në spitalin e Kukësit dhe janë jashtë rrezikut për jetën.
Policia ka nisur hetimet për zbardhjen e plotë të shkaqeve të aksidentit./Telegrafi/