Pesë persona janë lënduar si pasojë e një aksidenti që ka ndodhur rreth orës 08:00, në fshatin Peran të Podujevës.
Lajmi është konfirmuar edhe nga zëdhënësja e policisë në këtë rajon, Antigona Dibrani e cila ka deklaruar se në këtë aksident janë përfshirë dy vetura.
Sipas saj njëri nga veturat e ka goditur një shtyllë elektrike e cila ndodhej në afërsi të rrugës, raporton radiovizioni. Të lënduarit janë duke u trajtuar në Qendrën Kryesore të Mjekësisë familjare në Podujevë, dhe janë jashtë rrezikut për jetë.