Një aksident komunikacioni ka ndodhur sonte në orët e vona në Rrugën “Bill Clinton” te “Santea”, në Prishtinë.
Sipas fotove që ka siguruar Kalllxo.com, nga vendi i ngjarjes, në aksident janë përfshirë dy vetura.
Ndërsa, qytetari që ka bërë fotografitë në vendin e ngjarjes ka thënë se në këtë aksident ka edhe të lënduar.
Në vendin e ngjarjes është parë një autoambulancë e cila ka transportuar të lënduarit në QKUK, për t’iu dhënë ndihmën mjekësore.
Policia ka dal në vendin e ngjarjes për të hetuar shkaktarët e aksidentit.
