Një person ka vdekur në një aksident me teleferik pasi “kabina” e teleferikut u shkëput dhe u përplas në një mal.
Sipas mediave të huaja, përveç tij, edhe disa persona të tjerë janë lënduar pasi teleferiku u përplas në Liberec, në veri të Republikës Çeke.
Të tjerët – nga një kabinë tjetër – u shpëtuan, tha një zëdhënës i shërbimit të shpëtimit.
Teleferiku për në malin Jested 1,000 metra përdor dy kabina, secila e drejtuar nga një anëtar i stafit.
“Një kabinë ra ndërsa po lëvizte. Kishte një person brenda, i cili fatkeqësisht nuk shpëtoi nga plagët e marra”, tha zëdhënësi Michael Georgiev për Televizionin Çek.
Při pádu kabiny lanovky na Ještěd zemřel její strojvedoucí. Druhá kabina zůstala viset, bylo v ní 15 lidí. Nikdo z nich nebyl zraněn, utrpěli ale šok >> https://t.co/J47x5hgVkm pic.twitter.com/v4clkD6wjl
— ČT24 (@CT24zive) October 31, 2021
“Fatmirësisht kabina tjetër ka qëndruar në vendin e saj normal, janë evakuuar rreth 15 persona, duhet të jenë pa lëndime, vetëm kanë pësuar tronditje psiqike”, tha ai.
Pamjet tronditëse nga vendi i ngjarjes, të filmuara nga stacioni lokal Televize Seznam tregojnë kabinën e thyer në tokë me shërbimet e urgjencës në zonë.
Një aksident i tillë supozohet se ka ardhur pikërisht një ditë para se teleferiku do të shkonte në mirëmbajtje të hënën.
#jested #lanovka pic.twitter.com/9rbJRiWvaJ
— Ludek Ludvik (@Ludek_Ludvik) October 31, 2021
Maja malore Jested, e vendosur pranë qytetit të Liberec është një destinacion i njohur skish në pjesën veriore të vendit.
Aksidenti i tmerrshëm vjen pak muaj pas tragjedisë në Itali, ku 14 persona humbën jetën pasi teleferiku ra nga rreth 500 metra lartësi poshtë një mali buzë liqenit Maggiore. /Telegrafi/