Policia e Kosovës bëri të ditur se ka ndodhur një aksident trafiku në mes tri automjeteve në fshatin Livoq i Poshtëm, Gjilan, ku si pasojë njëri nga pesë të lënduarit ka ndërruar jetë.
Aksidenti ka ndodhur të mërkurën në mëngjes, ndërsa si pasojë lëndime trupore kanë pësuar pesë persona, ndërsa njëri prej tyre ka ndërruar jetë.
“Me vendim të prokurorit njëri nga drejtuesit mashkull K/Shqiptar është arrestuar dhe dërguar në mbajtje, ndërsa trupi i pajetë i viktimës është dërguar në IML për obduksion”, thuhet në raport. /Telegrafi/