Një aksident trafiku ka ndodhur sot në magjistralen Prishtinë-Gjilan, saktësisht afër liqenit të Badovcit, ku si pasojë dy persona ka pësuar lëndime.
Aksidenti ka ndodhur rreth orës 07:00.
Lajmin për Telegrafin e konfirmoi zëdhënësja e Policisë së Kosovës për rajonin e Prishtinës, Flora Ahmeti.
Ahmeti tha se personat e lënduar në aksident janë dërguar për tretman mjekësorë në Qendrën Klinike Universitare të Kosovës (QKUK).
“Dy vetura janë përplasur mes vete, me ç’rast dy persona kanë pësuar lëndime të cilët janë dërguar për tretman mjekësorë në QKUK. Aksidenti ka ndodhur rreth orës 7:00 të mëngjesit të sotshëm në rrugën Prishtinë-Gjilan, afër liqenit të Badovcit”, ka thënë Ahmeti. /Telegrafi/
