Lady Gaga ka qenë ylli i mbrëmjes në Super Bowl, gjatë performancës së saj në pauzën e ndeshjes finale në edicionin 51-të të NFL-së.
Fillimisht, ajo u hodh nga kulmi i stadiumit NRG në Houston, e rrethuar nga drita dhe shumë dronë, kurse pastaj këndoi disa këngë me energji të tillë, ashtu si di vetëm ajo.
Teksa i ndërroi rrobat dy herë, këngëtarja e la muzikën që “të fliste” për 12 minuta në vend të saj.
“Pa marrë parasysh nëse jam e zezë, e bardhë apo bezhë – kam lindur që të jem e guximshme”, ka kënduar ajo para publikut amerikan në stadium dhe rreth 110 milionë shikuesish që e kanë ndjekur nëpërmjet ekraneve televizive.
“Poker Face”, “Just Dance” e “Telephone” ishin disa prej hiteve në repertorin e Lady Gagas. /Telegrafi/
