Akil Gjakova është mposhtur në gjysmëfinale të Lojërave Olimpike, ndërsa tani do t’i duhet të luftojë në repesazh për të siguruar medaljen e bronztë.
Fillimisht, xhudisti nga Peja që garon në kategorinë deri në 73 kilogramë mposhti në raundin e parë kundërshtarin nga Brazili, Daniel Cargnin – me anë të Ippon-it.
Në raundin e dytë, Akili ia doli të mposhte austriakun Samuel Gassner edhe kësaj here me Ippon, për të vazhduar në mesin e tetë xhudistëve më të mirë.
Në rrethin e tretë, Gjakova e kishte përballë italianin Manuel Lombardo, ku koha e rregullt u mbyll pa fitues derisa dy xhudistët shkuan në ‘Golden Score’.
Italiani mori tri gabime dhe Akil Gjakova kaloi tutje për në gjysmëfinale.
Në gjysmëfinale, xhudisti ynë u ndesh me xhudistin nga Azerbajxhani, Hidayat Heydarov – por që pësoi disfatë në “Golden Score”.
Akili ka mësuar kundërshtarin për medaljen e bronztë, ku përballë do të ketë japonezin Soichi Hashimoto.
Dueli do të zhvillohet rreth më shumë se gjysmë ore, ndërsa Gjakova do të shpresojë të marrë medaljen e bronztë. /Telegrafi/
