Akil Gjakova ka fituar medaljen e artë në Grand Prixin që po mbahet në Budapest të Hungarisë.
Sukseset e xhudistëve kosovarë në arenën ndërkombëtare nuk kanë të ndalur.
Një i tillë ka ardhur edhe sot (e shtunë) nga Grand Prixi që po mbahet në Budapest të Hungarisë.
Është Akil Gjakova, i cili ka fituar medaljen e artë në kategorinë deri në 73 kilogramë.
Xhudisti pejan arriti të mposht me lehtësi me ippon në finale rusin Georgii Elbakiev, ndërsa në përgjithësi, Gjakova fitoi pesë luftëra.
Vlen të theksohet se kjo është medalja e tretë e xhudistëve kosovarë nga ky Grand Prix.
Kjo pasi dje (e premte) Distria Krasniqi dhe Nora Gjakova u stoliset të dyja me medalje të argjendta.
Medalja e artë ia sjell atij 700 pikë Olimpike për Tokio 2020./Telegrafi/
