Duket se përgjigja për pyetjen se kur duhet të tregtohet bitcoin mund të jepet nga – astrologjia.
Sipas Reuters, 22-vjeçarja Maren Altman nga Nju Jork ka ndërtuar një bazë me më shumë se një milion ndjekës të TikTok të cilët po i kërkojnë asaj të përgjigjet në pyetjen se kur duhet të tregtojnë kriptovalutën e njohur në mënyrë që edhe ata të dalin fitues. Ajo i këshillon ata përmes analizave astrologjike, transmeton Telegrafi.
Kështu, javën e kaluar, ajo paralajmëroi ndjekësit e saj se një ndryshim i çmimit do të ndodhte më 11 janar, sepse Saturni kryqëzohet me Merkurin.
Në të vërtetë, më 11 janar, bitcoin humbi 21% në vlerë, duke ndaluar pak rritjen meteorike të çmimit, e cila është dyfishuar që nga fillimi i dhjetorit dhe arriti një rekord rekord 42,000 dollarësh.
3k from 1M on tiktok but my bedtime's def not gonna let me stay awake to watch it happen
— MAREN ⚔️ Ⓥ (@marenaltman) January 13, 2021
“Unë kurrë nuk do t’i them askujt për të blerë ose shitur. Unë mund të parashikoj shtigjet e çmimeve, por unë nuk jam një këshilltare financiare dhe nuk i di rrethanat specifike të një individi”, tregon Maren.
Gjegjësisht, lëvizja e paparashikueshme e çmimit të bitcoin huton shumë analistë financiarë të cilët theksojnë se kriptomonedhave u mungojnë vlerat themelore në mënyrë që të jenë në gjendje të vlerësojnë çmimin e tyre si me klasat tradicionale të aseteve.
Maren Altman beson se çmimi mund të rritet në fund të këtij muaji, dhe madje edhe më shumë në fund të shkurtit – fillimin e marsit. /Telegrafi/