Telegrafi

Ajaxi publikon fanellën e tretë të frymëzuar nga Bob Marley dhe himni i tyre ‘Three Little Birds’

Shkumbin Pireva

Ajaxi ka zbuluar fanellën e tyre të tretë për sezonin 2021-22, e cila është e frymëzuar nga legjenda e muzikës, Bob Marley, në nderim për himnin e fansave të tyre “Three Little Birds”.

Fanella e tretë e Ajaxit do të vishet kryesisht në ndeshjet evropiane gjatë sezonit dhe ndihmon për të përkujtuar afërsinë e mbështetësve me himnin ‘reggae’.

Kjo fanellë e tretë e Ajaxit u publikua sot (e premte) më 20 gusht dhe shpejt është pëlqyer dhe ka marrë miratimin e tifozëve të klubit dhe futbollit.

Kompleti, nga Ajaxi dhe kompania Adidas në bashkëpunim me familjen e Bob Marley, është një fanellë e zezë e cila përmban detaje të kuqe, të verdha dhe jeshile.

Poshtë jakës në pjesën e pasme të këmishës, ka tre zogj të vegjël të ulur në kryqet e Andreas të Amsterdamit si referencë për këngën.

Ajaxi do të veshë fanellën e tretë në ndeshjet evropiane këtë sezon së bashku me fanellën e tyre të shtëpisë, me skuadrën e Eredivisie në fazën e grupeve të Ligës së Kampionëve.

Pse tifozët e Ajaxit këndojnë ‘Three Little Birds’?

Shoqëria e tifozëve të Ajaxit me këngën filloi në gusht të vitit 2008 kur klubi po luante një miqësore kundër Cardiff Cityt në kryeqytetin e Uellsit.

Pasi iu kërkua të qëndronte në tribuna pas lojës, Three Little Birds ishte një nga këngët e luajtura nga DJ i stadiumit dhe shpejt u miratua nga mbështetësit e Ajaxit si një himn i cili këndohet në çdo ndeshje. /Telegrafi/