Ajaxi është bërë klubi i 16-të në histori të Ligës së Kampionëve që kalon shifrën prej 150 golave në garën më të madhe evropiane. Njëherësh, është klubi i parë holandez që e arrin këtë statistikë.
Mjaftuan pesë minuta lojë në ndeshjen kundër Tottenham Hotspurit që skuadra nga Amsterdami ta zhbllokonte rezultatin.
Një harkim nga Lasse Schone shkoi drejt kapitenit Matthijs de Ligt, i cili e shënoi golin e 150-të të Ajaxit në Ligën e Kampionëve.
Holandezët shënuan edhe një gol tjetër përmes Hakim Ziyech (35′) për të bërë një hap të rëndësishëm drejt finales.
Kujtojmë që Ajaxi e fitoi ndeshjen e parë kundër Tottenhamit në Londër me rezultat 1-0. /Telegrafi/