Se në aspektin individual jemi më të suksesshëm se sa në atë kolektiv, tregon rasti edhe me kreatoren e modës, Fjolla Nila.
Kjo e fundit tashmë është bërë e njohur edhe në rrafshin ndërkombëtar, ku ka filluar të bashkëpunoj me artisteve hollivudiane.
Një bashkëpunim të fundit e ka pasur me aktoren indiane, Aishwarya Rai, e cila ditë më parë ka parakaluar në qilimin e kuq në Kuvajt, në një ngjarje të organizuar nga Longines.
Kreatorja jonë ka dhënë në një prononcim për Telegrafin se si ka arritur bashkëpunimi mes brendit “Fjolla Nila” dhe aktores 45-vjeçare.
“Stilisti i aktores më ka kontaktuar personalisht rreth koleksionit të fundit të fustaneve. Ne i kemi dërguar një të tillë dhe aktores i ka pëlqyer shumë. Ajo fustanin e ka veshur në ngjarjen e organizuar në kryeqytetin francez”, tha Fjolla.
Ajo pritet që të ketë bashkëpunime edhe me yje të tjera ndërkombëtare që janë pjesë e kinematografisë amerikane.
Ndryshe, Nila gjatë muajit shkurt të këtij viti do të nxjerr koleksionin më të ri të quajtur “Hautecouture 2019” gjersa për të parë koleksionet e reja të kosovares, klikoni KËTU. /Telegrafi/