Nënkryetarja e Lëvizjes Vetëvendosje, Aida Dërguti, përmes një postimi në Facebook, ka thënë se trysnia ndërkombëtare dhe qeveritare ndaj kryetarit të Mitrovicës, Agim Bahtiti është duke vazhduar.
Sipas saj Bahtiti është duke rezistuar dhe nuk po lëshon pe për pacenueshmërinë e kufijve administrativë që ta fus në Pazar sipas saj Suhodollin.
Për këtë Dërguti ka thënë se përgëzon kryetarin Bahtiri.
“Hapja e Urës mbi Ibër paraqet liri të lëvizjes dhe ajo është e drejtë e garantuar. Nuk jepet territori që të takon për të drejtat që të janë mohuar. Faktorët ndërkombëtarë le të bëjnë trysni mbi Beogradin e jo mbi Bahtirin.”
Postimi i plotë i Dërgutit:
“Trysnia ndërkombëtare dhe qeveritare mbi kryetarin e komunës së Mitrovicës, z.Agim Bahtiri, po vazhdon. Mirëpo, njësoj po vazhdon edhe rezistenca dhe qëndrueshmëria e Bahtirit. Ai nuk po lëshon pe për pacenueshmërinë e kufijve administrativë dhe në refuzimin e tij që ta fus në pazar Suhodollin për lirinë e lëvizjes. Unë e përgëzoj për këtë konsistencë kryetarin Bahtiri. Hapja e Urës mbi Ibër paraqet liri të lëvizjes dhe ajo është e drejtë e garantuar. Nuk jepet territori që të takon për të drejtat që të janë mohuar. Faktorët ndërkombëtarë le të bëjnë trysni mbi Beogradin e jo mbi Bahtirin”(sic), ka shkruar Dërguti.