Mesfushori i ri spanjoll Marc Bernal ka zgjatur kontratën me Barcelonën deri në qershor 2026, me një klauzolë blerjeje prej 500 milionë euro, njoftoi gjiganti spanjoll i futbollit.
“Klubi është i bindur se ai është një investim fantastik për të ardhmen dhe e ka shprehur këtë besim me kontratën e re të sotme”, thuhet nº njoftim.
Kur spanjolli i ri të mbushë 19 vjeç, ai do të ketë opsionin për të vazhduar edhe për tre vjet të tjera.
LATEST NEWS | Update to Marc Bernal’s contract
— FC Barcelona (@FCBarcelona) September 30, 2024
Bernal është produkt i akademisë së të rinjve të Barcelonës dhe deri më tani ka bërë tre paraqitje për ekipin e parë.
Për fat të keq, në fund të gushtit, ai u dëmtua rëndë në një ndeshje të ligës kundër Rayo Vallecanos, kur këputi ligamentin kryqëzor të përparmë dhe sezoni me siguri kishte përfunduar për të.
“Deri në dëmtimin e tij të pafat, ai ishte një sensacion i madh në fillim të sezonit”, shtoi Barcelona. /Telegrafi/