Anglia nuk ka më shumë gjasa ta fitojë Kupën e Botës me Thomas Tuchel se sa me Gareth Southgate, ka thënë ish-legjenda gjermane Jens Lehmann.
Ish-portieri i Arsenalit beson se Tuchel është me fat që është emëruar përzgjedhës i ‘Tre Luanëve’ pas largimit të Southgate me të përfunduar Euro 2024.
Tuchel i bëri me dije lojtarëve të Anglisë se qëllimi i tyre është ta fitojnë Kupën e Botës 2026, teksa janë grumbulluar për herë të parë së bashku për ndeshjen ndaj Shqipërisë.
Lehmann, sidoqoftë, ka një pikëpamje pesimiste sa i përket teknikut gjerman, duke përmendur shkarkimin e tij nga Bayern Munichu si diçka që e bën atë skeptik.
“Për mua, ai nuk është tradhtar. Për mua, ai është shumë me fat që ka marrë një punë të madhe”.
“Duhet të ketë një arsye pse ai nuk është më trajner i Bayern Munichut. Është shumë e vështirë të shkarkohesh nga Bayern Munichu, por ne jemi të lumtur që ai tani është përzgjedhës i Anglisë”.
“Kjo nuk e bën Anglinë me më shumë gjasa të fitojë diçka, por është e mirë për të”.
“Ju duhet të shikoni tek Bayern Munichu dhe se si kanë luajtur ata sezonin e kaluar, pastaj do ta shihni. Nëse kuptoni futboll, do ta shihni atë”, ka thënë Lehmann./Telegrafi/