Kryetari i Komunës së Prishtinës, Shpend Ahmeti i është përgjigjur thirrjes së Organizatave joqeveritare për për fikjen e dritave për dy minuta në shenjë solidarizimi me familjarët e personave të zhdukur gjatë luftës.
Ai këtë e ka bërë të ditur përmes një postimi në Facebook, ku edhe i ka bashkuar një video.
“Edhe ne iu bashkëngjitëm fikjes së dritave për të shënuar ditën kombëtare të personave të pagjetur nga lufta e fundit në Kosovë”, ka shkruar Ahmeti.
Gjatë ditës, Ambasada amerikane në Prishtinë, me rastin e Ditës së të Pagjeturve, u ka bërë thirrje qytetarëve që t’i fikin dritat për dy minuta sonte në ora 20:00, për të shprehur solidaritetin me personat e pagjetur.
Në Kosovë, edhe 21 vjet pas përfundimit të luftës nuk dihet asgjë për fatin e 1 mijë 641 personave. /Telegrafi/
