Kryetari i Prishtinës, Shpend Ahmeti ka bërë të ditur se në muajin dhjetor do të ndaj nga 80 euro për secilin person në asistencë sociale, dhe secilin person me aftësi të kufizuar në Komunën e Prishtinës.
Këtë njoftim Ahmeti e ka bërë përmes një postimi në Facebook.
“Kategoritë e radhës për ndihma:
Me propozim të Drejtorisë së Mirëqenies Sociale, Komuna e Prishtinës do të ndajë nga një subvencion prej 80 euro për secilin person në asistencë sociale, në dy kategoritë e varfërisë si dhe subvencion prej 80 euro për secilin person me aftësi të kufizuar në komunën tonë. Pagesat do të bëhen në dhjetor!”, ka shkruar Ahmeti. /Telegrafi/
