Shpend Ahmeti nga Lëvizja Vetëvendosje ka thënë se në Prishtinë nuk kanë garuar kundër kandidati të Lidhjes Demokratike të Kosovës për Prishtinën, por kundër liderëve të partive politike.
“Më së paku kemi garuar kundër Arban Abrashit, ne kemi garuar kundër Isa Mustafës, Kadri Veselit, Ramush Haradinajt dhe Daut Haradinajt”, ka thënë Ahmeti në Zona e Debatit në Klan Kosova.
“Si është e mundur që të shkohet në rinumërim ende pa u numëruar të gjitha votat?”, ka pyetur Ahmeti, duket shtuar se “rinumërimi po ndodh për shkak se nuk po u pëlqen rezultati”.
“Në momentin që do të numëroheshin votat me kusht do të përfundonte gjithçka, do të legjitimohej fitorja dhe nuk do të kishte hapësirë për ankesa. Përse nuk u shkua askund në rinumërim, por vetëm në Prishtinë e Prizren, në dy komunat që ka fituar Lëvizja Vetëvendosja”, tha Ahmeti. /Klan Kosova/