Kandidati i Vetëvendosjes për Prishtinën, Shpend Ahmeti, në një konferencë për media ka thënë se kanë fituar bindshëm në Komunën e Prishtinës.
“Kemi fituar bindshëm në Komunë e Prishtinës edhe në garën për kryetar edhe në Kuvendin Komunal. Kësaj radhe prej 16 mijë votave në Kuvendin Komunal kemi arrit në 35 mijë vota, LVV në Kuvendin Komunal është subjekti i parë me numrin më të madh të asamblistëve”, ka thënë Ahmeti.
Ai ka thënë se kjo ka qenë çfarë kanë kërkuar që t’i japin krahë Prishtinës.
Ahmeti tutje ka shtuar se edhe në garën për të parin e Prishtinës janë të parët.
“I kemi afër 42 mijë vota, dhe duke marrë parasysh diferencën e votave me LDK-në në balotazh ku janë prej 10 mijë, them se do të jepi të parët edhe për kryetar të Prishtinës”, tha Ahmeti. /Telegrafi/