Kreu i Komunës së Prishtinës, Shpend Ahmeti është i bindur se në mandatin e tij, deri tash ka përmbushur më shumë se 50 për qind të premtimeve elektorale.
Në “038” të KTV-së, Ahmeti ka thënë se i kanë mbetur ende pa përmbushur premtimet për autobusët e ato për 24 orë pa ndërprerë ujë.
“Deri në fund të vitit në Prishtinë do të ketë ujë 24 orë”, ka thënë Ahmeti, teksa është shprehur skeptik se do të arrijë të përmbush këtë premtimin e parë.
“Jam skeptik që projekti i autobusëve do të përfundojë deri në fund të mandatit”, ka thënë Ahmeti.
Sipas tij, që prej nisjes së mandatit, është përmirësuar gjendja në Qendrat e Mjekësisë Familjare.
Ahmeti ka thënë gjithashtu se Prishtina ka nevojë për shkolla të reja, por nuk ka buxhet për to. E ku ka numëruar projektet e papërfunduara ka përmendur edhe kompletimin e kanalizimit, ndërtimin e kolektorit në Kalabri.
“Synohet që të gjitha këto, të përfundojnë deri në fund të mandatit, 2017”, ka thënë Ahmeti.
Veç kësaj, Ahmeti ka thënë se Prishtina është e vetmja komunë në Kosovë dhe Ballkan, që i ka të gjitha të dhënat e integruara në Sistemin Invormativ Gjeografik.
“Deri në përfundim të mandatit, komuna do të kalojë në aplikimin online për lejet”, ka thënë Ahmeti.