Kryetari i BDI-së, Ali Ahmeti ka realizuar takim me Eurodeputetët Ivo Vajgll, Eduard Kukan dhe Knut Fleckenstein për të diskutuar për zgjedhjet e parakohshme parlamentare në Maqedoni, kështu thuhet në njoftimin e BDI-së drejtuar Telegrafit në Maqedoni.
Ahmeti gjatë takimit tha ”Mandati i ardhshëm qeverisës do të jetë shumë i rëndësishëm dhe përmbyllës për tema kyçe, siç janë anë zgjidhja e çështjes së emrit që mundëson integrimin euroatlantik, sundimin e ligjit dhe reformat e kërkuara nga komuniteti ndërkombëtar bashkë me barabarësinë dhe zgjidhjen e çështjes së gjuhës shqipe.” tha mes tjerash Ahmeti.
Eurodeputetët njëzëri folën për ”përplasjen e ideologjive të ndryshme në vend dhe rajon dhe përpjekjet për shtrirje të ndikimit nga rryma që kanë për qëllim të devijohet vendi dhe rajoni nga orientimi Euroatlantik.”/Telegrafi/
