Kryetari i BDI-së, Ali Ahmeti, sot në Shkup është takuar me përfaqësuesin special të Asamblesë parlamentare të OSBE-së për Evropën Juglindore, Roberto Batelli dhe bashkëpunëtorët e tij, përcjell Telegrafi Maqedoni.
Siç njoftojnë nga BDI-ja, në këtë takim, Ahmeti ka folur për rëndësinë e dhënies fund të krizës politike në vend përmes mbajtjes së zgjedhjeve të përgjithshme, të besueshme dhe demokratike.
Ahmeti ka theksuar edhe një herë se partia e tij është partnere e bashkësisë ndërkombëtare në arritjen e qëllimeve të përbashkëta./Telegrafi/