Agjenti i Mohamed Salah ka hedhur poshtë pretendimet se ylli i Liverpoolit mund të largohet nga Anfield nëse Reds nuk arrijnë të kualifikohen në Ligën e Kampionëve.
Sulmuesi egjiptian pranoi të qëndrojë në Anfield deri në qershor 2025, pasi nënshkroi marrëveshjen që e bëri lojtarin më të paguar në histori të klubit verën e kaluar.
Liverpooli ka pasur vështirësi këtë sezon dhe është nëntë pikë prapa vendit të katërt, me Salah gjithashtu duke kaluar nëpër një sezon zhgënjyes.
Dhe gazeta spanjolle Fichajes raportoi se Salah do të ishte i përgatitur të largohej nëse Liverpool nuk arrin të futet në top katërshe.
Në një postim në Twitter, agjenti i Salah, Ramy Abbas Issa i quajti thashethemet si ‘të pakuptimta’.
Ai shkroi në Twitter: “Pa kuptim. Kjo nuk është diskutuar apo menduar kurrë. Nuk na ka shkuar në mendje të mos kualifikohemi në Ligën e Kampionëve”.
Shpresat e tyre për t’u kualifikuar në Ligën e Kampionëve si fituesit e këtij sezoni pothuajse janë shuar pasi u mposhtën 5-2 nga Real Madridi në Anfield. /Telegrafi/