Agjenti i Marco Asensios, Horacio Gaggioli e ka bërë të qartë se klienti i tij dëshiron të vazhdojë dhe të ketë sukses te Real Madridi.
Los Blancos refuzoi disa oferta për 23-vjeçarin në fund të verës së kaluar dhe Asensio është i etur për të ndihmuar ekipin e tij të kthehet në nivelet e larta në sezonin e ardhshëm.
“Marco po mendon për sezonin e ardhshëm dhe të fitojë përsëri me Real Madridin”, ka thënë fillimisht Gaggioli për ESPN.
“Vitin e kaluar Real Madridi refuzoi oferta në drejtim të tij prej 180 milionë eurosh”.
“Marco thotë se është shumë i lumtur në klub. Ai vetëm dëshiron të ketë sukses atje”, përfundoi agjenti i spanjollit.
Ndryshe, reprezentuesi spanjoll ka tërhequr interes të disa klubeve nga Liga Premier sezonin e kaluar, megjithatë Asensio e sheh të ardhmen e tij në Santiago Bernabeu. /Telegrafi/