Të sapodiplomuarit e akademisë së Shërbimit Sekret rus FSB në Moskë, kanë festuar në mënyrë të pakontrolluar duke vozitur nëpër rrugët e Moskës veturat e shtrenjta të markës “Mercedes Gelendvagen”.
Në një videon e postuar në internet, përdoruesit e YouTube kanë arritur të numërojnë deri në 30 vetura luksoze të markës “Mercedes-Benz Gelendvagen”, duke lëvizur nëpër rrugët e kryeqytetit rus, transmeton Telegrafi.
Ky lajm është pritur me kritika të shumta në Rusi. Pyetja më e shpeshtë ishte, se si kishin arritur këta 22-vjeçar të sapo diplomuar të sigurojnë këto vetura luksoze, kur ata janë të thirrur të luftojnë korrupsionin?
“Për katër vite i mësojmë për komplotet, etikën e korporatave dhe ruajtjen e sekretit. Këta djem që voziten me Mercedesa nuk e kanë bërë një gjë të tillë. Ata ishin shumë arrogant dhe pompoz, dhe karrierën nuk e kanë filluar si duhet”, ka thënë gjenerali i pensionuar i FSB, Alexander Mihailov.
Ai shtoi duke thënë, se shpreson që zyrtarët e lartë të FSB-së do të dënojnë këta të sapodiplomuar për gjestin e bërë. /Telegrafi/
https://www.youtube.com/watch?v=qbW2iuRRozM