Arkeologët e kanë gjetur një afreske, që shfaqë marrëdhënien intime mes një princeshe atraktive dhe mjellmës, në rrënojat e një dhome gjumi në Pompei të Italisë.
Skena me ngjyra uji ka gjendje të përkryer dhe i ka tonet origjinale, megjithëse ka qëndruar nën hirin e vullkanit të Vezufit për më se 2,000 vjet, transmeton Telegrafi.
Ekspertët kanë thënë se mjellma është mishërim i Zotit grek Zeusit – Jupiteri i mitologjisë romake – duke kryer marrëdhënie me princeshën Leda.
Massimo Ossana, drejtor i parkut arkeologjik në Pompei, ka treguar nga afër legjendën e Ledës dhe mjellmës mashkull, që është shumë e pranishme në dekoret e brendshme të shtëpize.
Veçanti e këtij formati, është mënyra se si përcjellë me sy kjo princeshë e vdekshme këdo që është duke e shikuar. “Leda e shikon spektatorin, me sensualitetin që është absolutisht i theksuar” ka thënë Ossana.
Ky afresk misterioz është gjetur së fundmi, derisa po hulumtoheshin disa struktura të rrënuara, që janë shkatërruar me kohë prej kushteve klimatike. /Telegrafi/
