Në botë, 3.932.561 njerëz vdiqën nga coronavirusi, ndërsa 181.357.670 ishin infektuar, sipas raportit më të ri të agjencisë së lajmeve AFP.
Numri i të infektuarve zyrtarisht nuk pasqyron numrin real të të infektuarve, pasi shumë vende testojnë vetëm pacientë që kanë nevojë për trajtim spitalor.
SHBA është vendi i prekur më rëndë sa i përket numrit të vdekjeve dhe numrit të të infektuarve, me 604.115 vdekje dhe 33.640.573 të infektuar.
Pasojnë Brazili me 514.092 vdekje dhe 18.448.402 raste të infektimit, India me 397.637 vdekje (30.316.897 të infektuar), Meksika me 232.608 vdekje (2.507.453) dhe Peruja me 192.163 vdekje (2.049.567 të infektuar).
Ndër vendet më të prekura, Peruja është vendi me numrin më të lartë të vdekjeve në raport me numrin e banorëve – 583 për 100.000 banorë. Pasohet nga Hungaria (310), BeH (294), Republika Çeke (283) dhe Maqedonia e Veriut (263).
Amerika Latine dhe Karaibet kanë 1.268.034 vdekje (37.210.856 të infektuar), Evropë 1.166.893 vdekje (54.385.497 të infektuar), Shtetet e Bashkuara dhe Kanada 630.346 vdekje (35.054.306 të infektuar), Azi 574.656 vdekje (39.956.213 të infektuar), Lindja e Mesme 149.874.470 vdekje (9.70) , Afrika 141.632 vdekje (5.440.458 të infektuar) dhe Oqeani 1.126 vdekje (53.873 të infektuar).
AFP bën një bilanc të përditshëm bazuar në të dhënat e shtetit nga vendet në botë dhe informacionin nga Organizata Botërore e Shëndetësisë.