Sekretari amerikan i Shtetit, Antony Blinken ka njoftuar se afganët e nisur nga Shqipëria, të cilët u strehuan në këtë vend, kanë mbërritur në SHBA.
Ai në një postim në Twitter falënderon Shqipërinë dhe ministren Olta Xhaçka për mikpritjen e afganëve.
“I lumtur të ndaj që 212 afganë mbërritën këtë mëngjes nga Shqipëria në SHBA, në shtëpinë e tyre të re. Për fqinjët tanë më të rinj: Ju mirëpresim dhe ju urojmë më të mirat në këtë kapitull të ri. Një falënderim i veçantë për ministren Olta Xhaçka dhe popullit shqiptar për pritjen e mysafirëve afganë”, shkruan Blinken.
Happy to share that 212 Afghans arrived this morning from Albania to the U.S., their new home. To our newest neighbors: We welcome you and wish you the best in this new chapter. My special thanks to Foreign Minister @xhacka_olta and the Albanian people for hosting Afghan guests. https://t.co/F4dV63ALYl
— Secretary Antony Blinken (@SecBlinken) March 22, 2022
Ambasadorja e SHBA, Yuri Kim dhe Ministrja e Jashtme Olta Xhaçka kanë përcjellë në Rinas shtetasit afganë që u strehuan në Shqipëri. /Telegrafi/