Këngëtarja dhe modelja nga Mali i Zi, Afërdita Dreshaj, është duke shijuar mjaft shumë muajt e fundit të shtatzënisë.
Bukuroshja shqiptare ka vendosur që këto momente t’i ketë të dokumentuar në të ardhmen, pasi ka realizuar një set të ri fotografik.
Ajo po ashtu zgjodhi njërin nga fotografët më të suksesshëm shqiptar, Fadil Berishën, i cili tashmë jeton dhe vepron në Amerikë.
Në një pozë të re të ndarë në rrjete sociale, Afërdita shfaqet tejet e lumtur krah bashkëshortit të saj, hokeistit çek, Jakub Kindl.
“Si mund ta duam dikë kaq shumë akoma pa e takuar… Fadil Berisha, nuk mund të falënderoj aq sa duhet për këto fotografi të bukura, e dija që prej fillimit që t’i do ishte njëri që do e kapje këtë moment”, ka shkruar ajo.
Komplimentet nga ana e fansave e miqve kanë qenë të shumta, duke e përgëzuar për këtë fotosesion të mrekullueshëm.
Dreshaj dhe Kindl së shpejti do bëhen prindër të një djali. /Telegrafi/