Kjo shifër përbën rekord në bazë të krahasimeve me vitin e kaluar, pasi aeroporti që tani ka tejkaluar dukshëm fitimin neto të siguruar përgjatë një viti, gjatë 2007, i cili ishte vetëm 2.8 milion euro.
Vetëm në gjashtëmujorin e parë të 2008 kompania arriti të arkëtojë një fitim neto prej 2.6 milion eurove.
Ky fitim i siguruar, tregon edhe njëherë punën e mirë të menaxhmentit të kompanisë dhe qasjen e re, atë të përkushtimit ndaj konsumatorëve.
“ Jemi të përkushtuar në maksimum që përmes qasjes së re, gjithmonë në shërbime të konsumatorëve-udhëtarëve dhe aviokompanive, ta rrisim sa më shumë vlerën e kompanisë. Njëkohësisht jemi në përpjekje maksimale për të zvogëluar sa më shumë shpenzimet operative ”, tha Agron Musatafa, ( u.d ) i drejtorit menaxhues të ANP-së.
Po ashtu, investimet kapitale në ANP janë në përfundim e sipër, rishtresimi i pistës, ndriçimi i pistës, rrethoja perimetrike etj, në mënyrë që të përmbushen kushtet dhe ANP të marrë certifikatën e sigurisë nga ana e Organizatës Civile të Aviacionit Ndërkombëtar, thuhet mes tjerash në një komunikatë për opinion të lëshuar sot nga Zyra për informim pranë ANP./Telegrafi/