Aeroporti më i madh i Maine, SHBA, ka një “destinacion të ri për t’u ofruar udhëtarëve: Hënën”.
Portland International Jetport tani është shtëpia e pjesës së dytë më të madhe të Hënës në Tokë.
“Hëna” është pjesë e një ekspozite të re të titulluar “Fly Me to the Moon and Mars”, e cila është hapur për publikun më 26 mars, shkruajnë mediat e huaja, përcjell Telegrafi.
Bëhet e ditur se copëza e Hënës është huazuar nga Muzeu i Mineraleve dhe Gurëve të Çmuar të Maine (MMGM).
“Ne jemi të emocionuar që e kemi Fly Me to the Moon and Mars në Jetport”, tha Paul Bradbury, drejtori i aeroportit.
Ekspozita e re thuhet të jetë “pjesa më e lezetshme e eklipsit” për këdo që udhëton në Maine përpara eklipsit të 8 prillit.
Kjo pasi Maine është një nga shtetet që do të përjetojë eklips të plotë.
Pjesa qendrore e ekspozitës përfshin një meteorit të quajtur “The Scream”. Ky meteorit “përshëndet” udhëtarët dhe i josh ata të afrohen dhe të shikojnë një nga ekspozitat më magjepsëse.
Ndryshe, vetëm rreth 1,360 kilogramë të Hënës dihet se ekzistojnë në Tokë, pjesa më e madhe e të cilave mostra të sjella nga misionet Apollo. /Telegrafi/
