Aeroporti Ndërkombëtar i Prishtinës “Adem Jashari” po vazhdon të ketë suksese, madje qysh në fillim të vitit.
Në një komunikatë për media, thuhet se në janar të këtij viti janë procesuar 120, 531 udhëtarë dhe 1019 fluturime duke bërë që ky të jetë janari me numrin më të madh të trafikut në historinë e aeroportit krahasuar me muajin e njëjtë të viteve paraprake.
“Në Janar të vitit 2014 ANP ‘Adem Jashari’ kishte një numër të udhëtarëve prej 95,327, në vitin 2015 kishte procesuar 106,839 udhëtarë për të arritur më pas top shifrën deri në 120,531 udhëtarë. Kjo nënkupton se në krahasim me janarin e vitit 2014 ka rreth 26.44 për qind rritje ndërkaq në krahasim me muajin Janar 2015 ka rreth 12.82 për qind rritje në numër të udhëtarëve”, thuhet në komunikatën e aeroportit.
Sa i përket numrit të fluturimeve aeroporti thuhet se ka procesuar rreth 11.72 për qind më shumë se në vitin 2014 dhe 10.04 për qind më shumë se në vitin 2015. /Telegrafi/