Një nga aeroplanët më të mëdhenj të ngarkesave në botë u godit nga rrufeja ndërsa po fluturonte.
Aeroplani thuhet se ishte i ngarkuar me pajisje mbrojtëse shëndetësore nga Kina në Evropë.
Sipas mediave të huaja, përcjell Telegrafi, Antonov An-124-100 ‘Ruslan’ u godit në zbritjen e tij për një ndalesë karburanti në Krasnoyarsk në Siberi.
Dhe fotografitë e aeroplanit në aeroportin e Krasnoyarsk tregojnë hundën e tij të “dëmtuar” pas goditjes nga rrufeja.
Ai ishte në rrugë nga Shanghai në Porto në Portugali që transportonte pajisje jetësore të mbrojtjes personale.
Si rezultat, ai do t’i nënshtrohet riparimeve të mëdha. /Telegrafi/