Disa pamje dramatike të publikuara nga katastrofe ajrore në aeroportin e Moskës kanë zbuluar momentin pasi një bashkëpilot u ngjit përsëri në aeroplanin e djegur për të ‘shpëtuar kapitenin’.
Sipas mediave të huaja, përcjell Telegrafi, Maxm Kuznetsov, 36, është parë duke u larguar nga kabina, pasi aeroplani kishte bërë një ulje emergjente të dielën.
Ndryshe, një aeroplan me dhjetëra pasagjerë kishte pësuar një aksident në aeroportin Sheremetyevo në Rusi, ku u vranë 41 vetë.
Bëhet fjalë aksidentin kur aeroplani pëson lëkundje dhe godet pistën, pas së cilës gjë shpërthen edhe zjarri.
Siç është raportuar ndërkohë, aeroplani u godit nga rrufeja, pak qaste para se të aterronte në aeroportin e Moskës.
Gjithsesi, hetuesit në çështjen e aksidentit nuk kanë dhënë ndonjë koment zyrtar për pretendimet nëse aeroplani ishte goditur nga rrufeja. /Telegrafi/
